អ្នកឧកញ៉ា គួច ម៉េងលី ចែករំលែកគន្លឹះក្នុងការត្រៀមខ្លួនសិក្សានៅសាកលវិទ្យាល័យ និងការជ្រើសអាជីពនាពេលអនាគត
ថតដោយ៖ លីម សុខលីម
គួរបញ្ជាក់ថា ក្នុងសិក្ខាសាលាដ៏មានសារៈសំខាន់នេះ អ្នកឧកញ៉ា គួច ម៉េងលី បានបង្ហាញនូវគន្លឹះមួយចំនួនដើម្បីជាជំនួយដល់ការសម្រេចចិត្ត ក៏ដូចជាការដាស់តឿនស្មារតីដល់សិស្សានុសិស្សដែលកំពុងតែរៀនថ្នាក់វិទ្យាល័យ មានការពិបាកក្នុងការជ្រើសរើសមុខវិជ្ជា ឬជំនាញដែលត្រូវរៀនបន្ដនៅសាកលវិទ្យាល័យ យល់កាន់តែច្បាស់អំពីទីផ្សារការងារនាពេលបច្ចុប្បន្ន និងយល់ពីខ្លួនឯងពីជំនាញដែលខ្លួនចង់រៀនបន្ដ។ មិនតែប៉ុណ្ណោះ សម្រាប់សិស្សានុសិស្សទាំងអស់ដែលបានចូលរួមក្នុងព្រឹត្តិការណ៍ ក៏នឹងទទួលបានកាដូជាអនុស្សាវរីយ៍ផងដែរ គឺសៀវភៅដែលនិពន្ធដោយអ្នកឧកញ៉ា វេជ្ជបណ្ឌិត គួច ម៉េងលី ក្នុងម្នាក់ៗចំនួន២ក្បាល។
នៅក្នុងសិក្ខាសាលា អ្នកឧកញ៉ា វេជ្ជបណ្ឌិត គួច ម៉េងលី បានលើកឡើងថា ការសិក្សារៀនសូត្រមិនត្រូវប្រថុយប្រថាននោះទេ ហើយការវិនិយោគលើចំណេះដឹងខ្លួនឯងឱ្យបានត្រឹមត្រូវ គឺនឹងមានអនាគតភ្លឺស្វាង មិនងាយចាញ់ប្រៀបគេទេ។ អ្នកជំនាញវិស័យអប់រំរូបនេះបញ្ជាក់ថា កាលណាយើងមានចំណេះដឹងជ្រៅជ្រះ មានការសិក្សាខ្ពង់ខ្ពស់ មានគំនិតទូលំទូលាយ មានភាពស្វាហាប់ក្នុងខ្លួន យើងមិនងាយចាញ់បោកគេ មិនងាប់ក្រឡា ហើយអ្នកដទៃក៏មិនហ៊ានមើលងាយយើងដែរ។
.jpg)
ថតដោយ៖ លីម សុខលីម
លោកមានប្រសាសន៍បន្ថែមទៀតថា យុវជនត្រូវចេះកំណត់គោលដៅខ្លួនឯង ជាមុន ចេះប្រើប្រាស់ពេលវេលារៀនសូត្រឱ្យបានត្រឹមត្រូវ ពិសេសការចូលរួមក្នុងកិច្ចការសង្គម ឬការងារស្ម័គ្រចិត្តក៏ដូចជាការប្រាស្រ័យទាក់ទងល្អផងដែរ យុវជនត្រូវរៀនអ្វីថ្មីៗ នោះនឹងធ្វើឱ្យជីវិតមានន័យ។
ថតដោយ៖ លីម សុខលីម
សូមជម្រាបជូនថា អ្នកឧកញ៉ា វេជ្ជបណ្ឌិត គួច ម៉េងលី ជាវាគ្មិនដ៏មានប្រជាប្រិយភាពមួយរូប ដែលតែងចែករំលែកបទពិសោធល្អៗ ចំណេះដឹងផ្ទាល់ខ្លួនដល់យុវជនគ្រប់ស្រទាប់វណ្ណៈ។ អ្នកឧកញ៉ា វេជ្ជបណ្ឌិត គួច ម៉េងលី គឺជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ដែលជាស្ថាប័នផ្ដល់សេវាអប់រំឈានមុខមួយនៅកម្ពុជា និងមានបុត្រសម្ពន្ធជាមួយមជ្ឈមណ្ឌលភាសា អេ អាយ អាយ និងសាលារៀន អន្ដរទ្វីប អាមេរិកាំង។ បច្ចុប្បន្ន គ្រឹះស្ថានសិក្សារបស់អ្នកឧកញ៉ា កំពុងទទួលបានការគាំទ្រយ៉ាងផុលផុស និងពង្រីកសាខាតាមបណ្ដាលខេត្ដក្រុងនានាទូទាំងប្រទេស៕
.jpg)
.jpg)
.jpg)
ថតដោយ៖ លីម សុខលីម
