Logo
1. ក្រសួងសុខាភិបាល ស្នើអភិបាលរាជធានី ខេត្តណែនាំពលរដ្ឋដែលពុំទាន់បានចាក់វ៉ាក់សាំងដូសជំរុញឱ្យទៅចាក់គ្រប់គ្នា 2. មេដឹកនាំថ្មីហ្វីលីពីននឹងស្បថចូលកាន់តំណែង ខណៈលោក ឌូតឺតេ អស់អណត្តិ 3. អភិបាលខេត្តកំពង់ចាម ចាត់វិធានការទប់ស្កាត់ និងបង្ក្រាបអាជីវកម្មរ៉ែខ្សាច់ខុសច្បាប់ 4. នគរបាល​ការពារ​ព្រំដែន​គោក​ ​ទប់​ស្កាត់​ពលករ​ខ្មែរ​ប្រុស​ស្រី​៧​នាក់​បម្រុង​លួច​ឆ្លង​ដែន​ទៅ​ទឹកដី​ថៃ 5. លោក ពូទីន៖ រុស្ស៊ីនឹងឆ្លើយតប បើណាតូដាក់ទ័ពនៅហ្វាំងឡង់ និងស៊ុយអែត 6. Update​! ​សមត្ថកិច្ច​ ​ឃាត់ខ្លួន​ជន​សង្ស័យ​ជនជាតិ​ថៃ​៣​នាក់​ ​ករណី​លួច​រថយន្ត​ ​បុរស​ជន​ជាតិខ្មែរ

អ្នកឧកញ៉ា គួច ម៉េងលី៖ កុំមានចិត្តចង្អៀតចង្អល់ទទួលយកចំណេះដឹង និងមេរៀនថ្មីៗ

អ្នកឧកញ៉ា​ ​វេជ្ជបណ្ឌិត​ គួ​ច​ ​ម៉េង​លី​ ​ស្ថាបនិក​ ​ប្រធាន​ក្រុមប្រឹក្សា​ភិ​បាល​ ​និង​អគ្គនាយក​ប្រតិបត្តិ​ ​នៃ​ក្រុមហ៊ុន​ ​ម៉េង​លី​ ជេ. គួ​ច​ អេឌ្យូខេ​សិន​ ​បាន​លើកទឹកចិត្ត​ដល់​យុវជន​ឱ្យ​បើក​ចិត្តទូលំទូលាយ​ ​ចេះ​ឱបក្រសោប​ ​យកចិត្តទុកដាក់​ ​ចេះ​ស្រឡាញ់​ខ្លួនឯង​ ​គ្រួសារ​ ​និង​ប្រជាជន​ ​តែ​មិនគួរ​ចង្អៀតចង្អល់​ក្នុង​ការ​ទទួល​យកចំណេះ​ដឹង​ ​និង​មេរៀន​ថ្មីៗ​នោះ​ឡើយ​។​

បើតាមអ្នកឧកញ៉ា វេជ្ជបណ្ឌិត គួ ម៉េងលី បានសរសេរនៅលើទំព័រហ្វេសប៊ុកផ្លូវការរបស់លោកកាលពីម្សិលមិញថា «ប្អូន ក្មួយនៅក្មេងនៅឡើយទេ មានរឿងរ៉ាវជាច្រើនទៀតដែលប្អូន ក្មួយត្រូវរៀន ដឹង និងយកបទពិសោធបន្តទៀត»

«សូមប្អូន ក្មួយកុំមានចិត្តចង្អៀតចង្អល់ក្នុងការទទួលចំណេះដឹង និងទទួលបានមេរៀនថ្មីៗ ពេលប្អូន ក្មួយ ឪពុកម្តាយប្អូន ក្មួយឈឺ ទើបប្អូន ក្មួយយល់ដឹង ការរិះគន់ដើម្បីអភិវឌ្ឍន៍ និងស្ថាបនាវាជារឿងល្អទៅវិញទេ» នេះបើតាមអ្នកឧកញ៉ា វេជ្ជបណ្ឌិត គួ ម៉េងលី បញ្ជាក់បន្ថែម

អ្នកជំនាញអប់រំខាងលើនេះបានអះអាងបន្តថា «ថ្ងៃណាមួយដែលប្អូន ក្មួយ ឪពុកម្តាយ និង/សាច់ញាតិរបស់ប្អូន ក្មួយឈឺ នោះប្អូន ក្មួយនឹងយល់ថា តើការរៀនសូត្រ និងចំណេះដឹងថ្មីនោះសំខាន់ នឹងជួយដល់ប្អូន ក្មួយយ៉ាងដូចម្ដេច»

លោកបានសង្កត់ធ្ងន់ថា «ប្រទេសយើងត្រូវការការសិក្សា ឈ្វេងយល់ និងអភិវឌ្ឍន៍ច្រើនបន្ថែមទៀត ជួនកាល សូម្បីតែគ្រូពេទ្យខ្លួនឯងដែលប្អូន ក្មួយកំពុងគាំទ្រនោះ ក៏មិនអាចជួយប្អូន ក្មួយបានដែរ»

ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួ អេឌ្យូខេសិន បានលើកទឹកចិត្តដល់កូនខ្មែរថា «ត្រូវចេះស្រឡាញ់ខ្លួនឯង គ្រួសារ និងប្រជាជនរបស់អ្នក បើកចិត្តឱ្យទូលាយ ឱបក្រសោប យល់ ចិត្តល្អ យកចិត្តទុកដាក់ និងមានការយល់ចិត្ត ពិភពលោកយើងនឹងមានភាពសុខដុមរមនា និងសន្តិភាព

គួររម្លឹកថា អ្នកឧកញ៉ា វេជ្ជបណ្ឌិត គួ ម៉េងលី ត្រូវបានគេស្គាល់ថា ជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួ អេឌ្យូខេសិន ដោយផ្ដោសំខាន់ទៅលើការវិនិយោគវិ​ស័យ​អប់រំជាចម្បង ដែលទទួលបានការគាំទ្រ និងល្បីល្បាញទាំងថ្នាក់ជាតិ និងអន្តរជាតិ



សិស្ស Aii ចេះពីរបៀបធ្វើបទបង្ហាញប្រកបដោយវិជ្ជាជីវៈ និងភាពប៉ិនប្រសប់

មជ្ឈមណ្ឌលភាសា Aii រកឃើញម្ចាស់ជ័យលាភីឆ្នើម ប្រកួតប្រកបពាក្យភាសាចិន ម៉េងលី ជេ. គួច មកពីសាខាខុសៗគ្នា

អ្នកឧកញ៉ា គួច ម៉េងលី សរសើរប្រជាជនកម្ពុជានិយាយអង់គ្លេសបានល្អ លើកលែងតែពីរប្រទេស