_Khmer_(2).jpg)
ក្រសួងទេសចរណ៍ណែនាំឱ្យមន្ទីរគ្រប់រាជធានី ខេត្តផ្សព្វផ្សាយពីដំណើរឆ្ពោះទៅកាន់ SEA Game
ព័ត៌មានជាតិ
| June 23 2022 16:38
ភ្នំពេញ៖ ស្របពេលដែលកម្ពុជានឹងធ្វើជាម្ចាស់ផ្ទះការប្រកួត កីឡាស៊ីហ្គេមលើកទី៣២ និងប៉ារ៉ាហ្គេមឆ្នាំ២០២៣ដែលនឹងចាប់ផ្ដើមនៅពាក់កណ្ដាលឆ្នាំ ២០២៣ ខាងមុខ ក្រសួងទេសចរណ៍ បានណែនាំឱ្យគ្រប់មន្ទីរទេចរចណ៍តាមរាជធានី ខេត្ត ចូលរួមផ្សព្វផ្សាយដំណើរឆ្ពោះទៅកាន់Sea game លើកទី ៣២ និងប៉ារ៉ាហ្គេមឆ្នាំ២០២៣ លើកទី ១២។
នេះបើយោងតាមសេចក្តីជូនដំណឹងរបស់ក្រសួងទេសចរណ៍ចេញនៅថ្ងៃទី ២៣ ខែមិថុនាឆ្នាំ ២០២២។
កីឡាស៊ីហ្គេមលើកទី៣២ នឹងរៀបចំឡើងក្រោមពាក្យស្លោក “កីឡារស់ក្នុងសន្តិភាព”ដែលការប្រកួតគឺចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣ និងប៉ារ៉ាហ្គេមឆ្នាំ២០២៣ ចាប់ពីថ្ងៃទី១ ដល់ថ្ងៃទី១០ ខែមិថុនា ឆ្នាំ២០២៣។ ទីតាំងប្រកួតមាននៅ រាជធានី-ខេត្តចំនួន៥ មានដូចជា រាជធានីភ្នំពេញ ខេត្តសៀមរាប ព្រះសីហនុ កែប និងកំពត។ អត្តពលិក ៧,០០០ នាក់ និងប្រតិភូ ត្រូវបានរំពឹងថា នឹងចូលរួមក្នុងព្រឹត្តិការណ៍នេះជាមួយនឹងវិញ្ញាសារកីឡាប្រហែល ៤០ប្រភេទ៕
